بھاجپا جموں وکشمیر میں اسمبلی انتخابات سے کیوں بھاگ رہی ہے ؟:عمر عبداللہ کا سوال

سرینگر/۲۲اگست

جموںکشمیر نیشنل کانفرنس کے نائب صدر عمر عبداللہ کا کہنا ہے کہ بھارتیہ جنتا پارٹی( بھاجپا) اسمبلی انتخابات سے بھاگ رہی ہے ۔

عمر نے کہا کہ بھاجپا کو لوگوں کا سامنا کرنے چاہئے اور دیکھیں کہ وہ جموں و کشمیر میں کہاں کھڑے ہیں۔

ان باتوں کا اظہار این سی نائب صدرنے نامہ نگاروں سے بات چیت کے دوران کیا۔

عمر عبداللہ نے کہا کہ بی جے پی جموںکشمیر میں اسمبلی الیکشن سے کیوں بھاگ رہی ہے ؟ ہم نے سنا ہے کہ پنچایتی انتخابات، بلدیاتی انتخابات اور پارلیمانی انتخابات جلد ہوں گے لیکن بڑا سوال یہ ہے کہ بی جے پی یہاں اسمبلی انتخابات کا اعلان کرنے سے کیوں کترا رہی ہے ۔

سابق وزیر اعلیٰ کاکہنا تھا ”اسمبلی الیکشن سے کیوں گریز کیا جا رہا ہے ؟ بھاجپا کو لوگوں کا سامنا کرنے چاہئے اور دیکھیں کہ وہ جموں و کشمیر میں کہاں کھڑے ہیں“۔

انہوں نے کہا کہ حد تو یہ ہے کہ ہمیں اس بات کی اطلاع موصول ہوئی ہے کہ لداخ انتظامیہ نے جموں وکشمیر اور لداخ ہائی کورٹ کی طرف سے کرگل ہل کونسل انتخابات کیلئے نیشنل کانفرنس کو ہل کے نشان کی اجازت دینے کے فیصلے کیخلاف سپریم کورٹ سے رجوع کیاہے ۔

عمرعبداللہ نے کہا کہ ہمارے وکلائبھی یہ جنگ لڑنے کے لئے تیار ہیں اور ہم وہاں سے بھی یہ لڑائی جیت

یں گے ۔