’پنچایتی الیکشن کے انعقاد کی ذمہ داری ایل جی کی ہے‘

سرینگر//
مرکزی وزیر مملکت برائے دیہی ترقی و پنچایتی راج‘کپل موریشور پاٹل نے کہا کہ جموں کشمیر میں پنچایتی انتخابات منعقد کرانا لیفٹیننٹ گورنر کی ذمہ داری ہے اور ان کے انعقاد میں مرکزی سرکار کی کوئی مداخلت نہیں ہوتی ہے۔
سرینگر میں تین روزہ پنچایت اور گوڈ گورننس پروگرام کے حاشیہ پر میڈیا سے بات کرتے ہوئے مرکزی وزیر نے کہا کہ پنچایت انتخابات جموں کشمیر کے لیفٹیننٹ گورنر منوج سنہا منعقد کریں گے۔ انہوں نے کہا کہ مزکری سرکار ان انتخابات کے انعقاد میں کوئی مداخلت نہیں کرے گی۔
وزیر نے مزید کہا کہ جموں کشمیر میں پنچایتی نظام کو بہتر بنانے اور پنچایتی ممبران کے ساتھ انتظامیہ مستحکم طور ساتھ دینے پر وہ یہاں متعلقہ افسران کے ساتھ جائزہ لیں گے۔
پنچایتی نظام اور گوڈ گورننس کے متعلق تین روزہ پروگرام پر انہوں نے کہا کہ یہ قومی سطح کا پروگرام ہے جس میں ملک کے دیگر ریاستوں سے آئے ہوئے پنچایتی ممبران جموں کشمیر کے پنچایتی ممبران کے ساتھ حصہ لے رہے ہیں تاکہ یہ نمائندے ایک دوسرے کے ساتھ تبادلہ خیال کرے اور بہتر نظام کے متعلق جانکاری دستیاب کرے۔
غور طلب ہے کہ جموں کشمیر میں منتخب پنچایتی و بلدیاتی نمائندوں کی پانچ سالہ مدت دسمبر میں اختتام ہورہی ہے اور پنچایتی راج ایکٹ کے تحت یہ انتخابات اکتوبر میں منعقد کیے جانے ہے۔
جموں کشمیر کے سٹیٹ الیکشن کمیشنر برج راج شرما نے گزشتہ ماہ بتایا کہ پنچایتی انتخابات مقررہ وقت پر منعقد کیے جائے گے۔ تاہم کچھ پنچایتی نمائندوں کا مطالبہ ہے کہ ضلع ترقیاتی کونسل (ڈی ڈی سی) انتخابات پنچایتی انتخابات کے ساتھ یکجہ منعقد کیے جائے۔ اگرچہ ڈی ڈی سی کی پانچ سالہ مدت سنہ۲۰۲۵ میں ختم ہورہی ہے۔