سرینگر میںغیر مقامی شہری پستول سمیت گرفتار:پولیس

جموں//
جموں کشمیر پولیس نے سر نگر میں جمعرات کی صبح ناکہ چیکنگ کے دوران ایک غیر مقامی شہری کو چوری کئے ہوئے پستول کے ساتھ گرفتار کیا۔
سرینگر پولیس نے جمعرات کو ٹویٹ کرکے کہا’’ریگل چوک میں مشترکہ ناکہ کے دوران علی پوردوار مغربی بنگال حال الٰہی باغ صورہ کے رہائشی لوکیش کمار کو پستول سمیت گرفتار کیا‘‘۔
ٹویٹ میں کہا گیا’’اس نے یہ پستول اسی شب کے دوران ایک رجسٹرڈ لائنسس ہولڈر کے گھر سے چوری کی تھی‘‘۔
پولیس ٹویٹ میں مزید کہا گیا کہ اس سلسلے میں پولیس اسٹیشن کوٹھی باغ میں ایک کیس درج کیا گیا۔