کولگام میں سی آر پی ایف بس پر گرینیڈ حملہ ، کوئی نقصان نہیں

سرینگر//
جنوبی ضلع کولگام کے برازلو علاقے میں مشتبہ جنگجوؤں نے سی آر پی ایف بس پر گرینیڈ داغا جو نشانہ چوک جانے کے نتیجے میں شاہراہ پر زور دار دھماکے کے ساتھ پھٹ گیا۔
سرکاری ذرائع نے بتایا کہ برازلو کولگام میں منگل کی سہ پہر کو مشتبہ جنگجووں نے۱۸۸بٹالین سی آر پی ایف گاڑی پر گرینیڈ پھینکا ۔
ذرائع نے بتایا کہ گرینیڈ کے اس حملے میں کسی کے زخمی ہونے کے بارے میں کوئی اطلاع موصول نہیں ہوئی۔
اُن کے مطابق سیکورتی فورسز نے آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی ہے ۔
بتادیں کہ پیر کی شام کو بھی مشتبہ ملی ٹینٹوں نے جنوبی ضلع اسلام آباد کے پادشاہی باغ علاقے میں پولیس پارٹی پر گرینیڈ سے حملہ کیا تھا ۔
جنوبی کشمیر میں پچھلے چوبیس گھنٹوں کے دوران دو گرینیڈ حملوں کے بعد سیکورٹی فورسز کو مستعد رہنے کے احکامات صادر کئے گئے ہیں۔