پٹرول اور ڈیزل کی قیمتیں 20ویں دن بھی مستحکم

نئی دہلی// بین الاقوامی سطح پر خام تیل کی قیمتوں میں جاری نرمی کے ساتھ ہی ملک میں پٹرول اور ڈیزل کی قیمتیں آج لگاتار 20 ویں دن مستحکم رہیں۔
ملک کی سب سے بڑی پبلک سیکٹر آئل مارکیٹنگ کمپنی، انڈین آئل کارپوریشن لمیٹڈ (آئی او سی ایل) کے مطابق، آج دہلی میں پٹرول 105.41 روپیے فی لیٹر اور ڈیزل 96.67 روپیے فی لیٹر پر مستحکم رہا۔ ممبئی میں پٹرول کی قیمت 120.51 روپیے فی لیٹر اور ڈیزل کی قیمت 104.77 روپیے فی لیٹر برقرار رہی۔
یوکرین اور روس کے درمیان جاری جنگ سے بین الاقوامی بازار میں خام تیل کی قیمتوں میں اتار چڑھاؤ جاری ہے۔ بین الاقوامی بازار میں آج خام تیل کی قیمتوں میں گراوٹ جاری رہی۔ لندن برینٹ کروڈ کی قیمت 0.54 فیصد کم ہوکر 98.01 ڈالر فی بیرل ہے اور امریکی کروڈ 0.27 فیصد کم ہوکر 102.10 ڈالر فی بیرل ہے۔
ملک میں پٹرول اور ڈیزل کی قیمتوں میں 137 دن کے استحکام کے بعد گزشتہ 22 مارچ سے اضافہ ہونا شروع ہوا تھا۔ گزشتہ 30 دنوں میں کمپنیوں نے پٹرول اور ڈیزل کی قیمتوں میں 14 بار اضافہ کیا ہے۔ اس دوران ان کی قیمتوں میں 10 روپیے فی لیٹر کا اضافہ ہوا ہے۔
روزانہ پیرول اور ڈیزل کی قیمتوں کا جائزہ لیا جاتا ہے۔