پڑوسیوں سنڈے کیسا رہا، عرفان پٹھان کی پرانی ٹوئٹ پر صارفین کا میمز کا طوفان آگیا

ممبئی//
بھارتی کرکٹ ٹیم کے سابق کھلاڑی عرفان پٹھان کی ایک سال قبل ٹی ٹوئنٹی ورلڈکپ میں پاکستان کی بھارت سے شکست پر کی گئی ٹوئٹ پر میمز کا طوفان آگیا ۔گزشتہ برس آئی سی سی ٹی ٹوئنٹی ورلڈکپ کے گروپ میچ میں 23 اکتوبر بروز اتوار کو پاکستان اور بھارت کا میچ ہوا جس میں بھارت 4 وکٹوں سے کامیاب رہا ، اپنے ملک کی جیت کے بعد سابق کرکٹر نے ٹوئٹ کی جو اب تک وائرل ہی ہے۔
عرفان پٹھان نے ٹوئٹ میں پاکستانیوں کو نام لیے بغیر مخاطب کیا اور لکھا پڑوسیوں سنڈے کیسا رہااس کے بعد نومبر میں بھی ٹی ٹوئنٹی ورلڈکپ کے پہلے سیمی فائنل میں پاکستان کی نیوزی لینڈ سے فتح کے بعد عرفان پٹھان کی جانب سے ایک ٹوئٹ کی گئی جس میں درج تھا کہ پڑوسیوں جیت تو آتی جاتی رہتی ہے گریس آپ کے بس کی بات نہیں۔
کرکٹر نے وضاحت دی تھی کہ مذکورہ ٹوئٹ پاکستانی کھلاڑیوں کیلئے نہیں بلکہ شائقین کیلئے ہے، البتہ اس ٹوئٹ کے بعد شعیب اختر سمیت کئی پاکستانی معروف اداکاروں نے عرفان پٹھان کو آڑے ہاتھوں لیا تھا،اب گزشتہ روز اتوار کو ہی بھارت سے پاکستان شاہینز کی جیت کے بعد عرفان ٹوئٹر پر ٹرینڈ کرنے لگے، سوشل میڈیا صارفین نے ان پر متعدد میمز بنا ڈالیں۔