بارہمولہ سے اغوا کی گئی لڑکی دہلی سے بازیاب:پولیس

سرینگر//
جموںکشمیر پولیس نے مبینہ اغوا کی گئی لڑکی کو بازیاب کرکے اس کے دو اغوا کاروں کو دہلی سے گرفتار کیا ہے ۔
ایک پولیس ترجمان نے اپنے ایک بیان میں کہا کہ یکم جولائی۲۰۲۳کو شمالی کشمیر کے ضلع بارہمولہ کے پولیس پوسٹ پلہالن کو ایک شخص کی طرف سے شکایت موصول ہوئی جس میں کہا گیا اس کی۹سالہ بیٹی۳۰جون ۲۰۲۳سے لاپتہ ہے ۔
ترجمان نے کہا کہ اس ضمن میں متعلقہ دفعات کے تحت پولیس اسٹیشن پٹن میں ایک کیس درج کرکے تحقیقات شروع کی گئی۔ان کا کہنا تھا’’تحقیقات کے دوران یہ بات سامنے آگئی کہ لاپتہ لڑکی کو کچھ نامعلوم افراد نے اغوا کیا ہے ‘‘۔
بیان میں کہا گیا’’تکنیکی شواہد کی مددد سے مزید تحقیقات کے دوران انکشاف ہوا کہ ملزمین اور پراسیکیوٹریکس جموں وکشمیر سے دہلی چلے گئے ہیں‘‘۔
بیان کے مطابق پولیس کی ایک ٹیم تشکیل دی گئی جو نئی دہلی کی طرف روانہ ہوئی جہاں انہوں نے پراسیکیوٹر کی فائل بر آمد کی اور ملزموں کو گرفتار کیا۔
ملزمان کی شناخت عاشق علی منگرال ساکن تولی ریاسی اور دیپ کمار ساکن چالابنی کٹھوعہ کے بطور ہوئی ہے ۔
پولیس بیان میں کہا گیا کہ لڑکی کو قانونی لوازمات کی ادائیگی کے بعد قانونی ورثا کے حوالے کر دیا گیا اور اس ضمن میں مزید تحقیقات شروع کی گئی۔