سنجواں جھڑپ کے سلسلے میں گرفتار تین افراد دس دنوں کیلئے پولیس تحویل میں

جموں//
سنجوان علاقے میں حالیہ انکاؤنٹر کے سلسلے میں گرفتار تین افراد کو پیر کو۱۰ دن کے لیے پولیس کی تحویل میں دیا گیا، حکام نے بتایا۔
تینوں ملزمین کو تیسرے ایڈیشنل سیشن جج کی عدالت میں پیش کرتے ہوئے، جو کہ ایک نامزد این آئی اے عدالت بھی ہے، حکام نے کہا کہ پولیس نے پوچھ گچھ کے لیے ان کا ریمانڈ طلب کیا۔
ایڈیشنل سیشن جج نے بتایا کہ عدالت نے ملزمان کا ۱۰دن کا ریمانڈ پولیس کو دے دیا اور اس کے مطابق انہیں پوچھ گچھ کے لیے بھیج دیا گیا۔
اتوار کو وزیر اعظم کے جموں دورے سے ایک دن پہلے سنجواں میں ہوئے ایک مسلح تصادم میں جیش محمد کے دو جنگجو اور فورسز کا ایک اہلکار مارا گیا تھا ۔
پولیس کے سربراہ ‘ دلباغ سنگھ نے واقعہ کو وزیر اعظم کا دورہ ’سبوتاژ‘ کرنے کی ایک کوشش قرار دیتے ہوئے کہا تھا کہ جنگجوؤں کو پاکستان سے بھیجا گیا تھا۔