بانڈی پورہ:گنڈ جہانگیر علاقے میں شہری غرقآب

سرینگر//
شمالی ضلع بانڈی پورہ کے گنڈ جہانگیر علاقے میں مقامی شہری نہر میں ڈوب کر لقمہ اجل بن گیا۔
اطلاعات کے مطابق پیر کے روز گنڈ جہانگیر علاقے میں اس وقت سنسنی کا ماحول پھیل گیا جب ایک مقامی شہری نہر میں ڈوب گیا۔
معلوم ہوا ہے کہ آس پاس موجود لوگوں نے فوری طورپر امدادی کارروائی شروع کی اور مذکورہ شخص کو پانی سے باہر نکال کر ہسپتال پہنچایا تاہم وہاں پر تعینات ڈاکٹروں نے اسے مردہ قرار دیا۔
متوفی کی شنخت فاروق احمد پرے ولد عبدالصمد پرے ساکن کپواڑہ کے بطور ہوئی ہے ۔
پولیس نے اس سلسلے میں کیس درج کرکے مزید تحقیقات شروع کی۔
اس دوران جموں کے جیون نگر علاقے میں نہر سے ۴۰سالہ شخص کی لاش برآمد کی گئی۔
اطلاعات کے مطابق پیر کے روزجیون نگر جموں میں چند مقامی افراد نے نہر میں ایک لاش دیکھی اور اس بارے میں پولیس کو مطلع کیا ۔
پولیس ٹیم فوری طورپر جائے موقع پر پہنچی اور لاش کو تحویل میں لے کر اس کی شناخت کے لئے کارروائی شروع کی ہے ۔