نئی دہلی//کانگریس کے صدر ملکارجن کھرگے نے جمعہ کو چندریان -3 کے کامیاب لانچ پر خوشی کا اظہار کیا اور اسرو کے سائنسدانوں کو ان کی کامیابی پر مبارکباد دی۔
اپنے مبارکبادی پیغام میں مسٹر کھڑگے نے کہاکہ "ہمارے سائنسدانوں، انجینئروں اور چندریان 3 مشن کے کامیاب لانچ میں شامل تمام لوگوں کی زبردست ہنر، لگن، مہارت اور محنت کے لیے آپ کا شکریہ۔ ہمیں آپ میں سے ہر ایک پر اس شاندار کامیابی کے لیے بے حد فخر ہے ۔کانگریس پارٹی اسرو کی غیر معمولی ٹیم کا تہہ دل سے شکریہ ادا کرتی ہے ۔
انہوں نے کہا کہ "ہندوستان کے چندریان مشن کا آغاز 2008 میں چندریان-1 کے ساتھ ہوا تھا جس نے چاند پر پانی کے مالیکیولز کی موجودگی کی تصدیق کی تھی۔ یہ ہمارے ملک کے لیے ایک تاریخی کامیابی تھی۔ چندریان-2 نے پہلی بار ریموٹ سینسنگ کے ذریعے کرومیم کی موجودگی کا پتہ لگایا۔ ہمارے سائنسدانوں کی ثابت قدمی رائیگاں نہیں گئی اور آج چندریان 3 کو ہمارے تمام سابق لیڈروں بشمول پنڈت نہرو، لال بہادر شاستری، اندرا گاندھی، پی وی نرسمہا راؤ، راجیو گاندھی، اٹل بہاری واجپئی اور ڈاکٹر منموہن سنگھ جیسے وزرائے اعظم کے وژن، عزم اور کامیابی کا منہ بولتا ثبوت ہے ۔
