نوگام میں مشتبہ جنگجوؤں کی فائرنگ میں ۲غیر مقامی افراد زخمی

سرینگر//
جموںکشمیر کے دارلخلافہ سرینگر کے مضافاتی علاقے نوگام میں جمعے کی شام کو مشتبہ جنگجووں نے دو غیر مقامی افراد پر فائرنگ کی جس کے نتیجے وہ شدید طورپر زخمی ہوئے اور اُنہیں علاج ومعالجہ کی خاطر نزدیکی ہسپتال منتقل کیا گیا۔
سرکاری ذرائع نے بتایا کہ نوگام سرینگر میں دو غیر مقامی افراد پر مشتبہ جنگجووں نے فائرنگ کی جس کے نتیجے میں دونوں زخمی ہوئے ۔
ذرائع نے بتایا کہ آس پاس موجود لوگوں نے زخمیوں کو علاج ومعالجہ کی خاطر نزدیکی ہسپتال منتقل کیا گیا جہاں سے ابتدائی مرہم پٹی کے بعد دونوں کو صدر ہسپتال سری نگر ریفر کیا گیا۔
سیکورٹی فورسز نے آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی ہے ۔
دریں اثنا صدر ہسپتال میں تعینات ایک سینئر عہدیدار نے بتایا کہ مغربی بنگال سے تعلق رکھنے والے دو زخمیوں کو ہسپتال میں بھرتی کیا گیا ہے ۔انہوں نے بتایا کہ زخمیوں میں سے ایک کی حالت تشویشناک بنی ہوئی ہے ۔
زخمیوں کی شناخت مغربی بنگال کے نجمل اور انیک اسلام کے طور ہوئی ہے ۔نجمل کی گردن جبکہ انیک کے سر میں گولی لگی ہے ۔