سرینگر/۳۱مئی
سال رواں کے فریضہ حج کی ادائیگی کے لئے سری نگر بین الاقوامی ہوائی اڈے سے۷جون سے حج پروازوں کا سلسلہ شروع ہوگا جو ۲۲جون کو اختتام پذیر ہوگا۔
حج ایگزیکٹیو افسر عبدالسلام میر نے بدھ کے روز میڈیا کو بتایا کہ امسال سری نگر ہوائی اڈے پر حج پروازوں کا سلسلہ ۷جون سے شروع ہوگا جو۲۲جون کو اختتام پذیر ہوگا۔انہوں نے کہا کہ۷جون کو ہوائی اڈے سے ۲حج پروازیں اٹھیں گی۔
میر کا کہنا تھا کہ پہلی پروازسہ پہر۳بجے روانہ ہوگی جبکہ دوسری پرواز شام ۷بجے روانہ ہوگی۔
حج افسر نے کہا کہ۳بجے کی پرواز کے عازمین حج کو صبح دس بجے حج ہاﺅس پہنچنا ہے جبکہ۷بجے کی پرواز والے عازمین کو۲بجے دن حج ہاﺅس پہنچنا ہوگا۔انہوں نے کہا کہ امسال بھی عازمین کے لئے تمام تر تیاریوں کو حتمی شکل دی گئی ہے ۔ان کا کہنا تھا کہ عازمین کو افواہوں پر کان نہیں دھرنا چاہئے ۔
میر نے کہا کہ جو بھی ٹونٹفکیشن ہماری طرف سے جاری ہوگی اس کو الیکٹرانک اور پرنٹ میڈیا کے ذریعے مشتہر کیا جائے گا۔انہوں نے کہا کہ عازمین کو چاہئے کہ وہ معلومات کے لئے ہماری ویب سائیٹ مسلسل دیکھا کریں۔
بتادیں کہ امسال جموں وکشمیر کے قریب دس ہزار عازمین حج کا فریضہ انجام دی
ں گے ۔