پٹنہ// وزیر اعلیٰ نتیش کمار نے آج انے مارگ سے ‘خریف مہاابھیان’-2023 کا افتتاح کیا۔ خریف ‘مہاابھیان’ کے تحت وزیر اعلیٰ نے 36 تشہیر ی رتھوں کو جھنڈی دکھا کر تمام اضلاع میں روانہ کیا۔ اس موقع پر وزیر اعلیٰ نے ‘خریف مہاابھیان’-2023 پروگرام کے مختلف اجزائسے متعلق ایک کتابچہ بھی جاری کیا۔
ان تشہیری رتھوں کے ذریعے کسانوں کو خریف کی فصلوں اور خریف سیزن میں محکمہ زراعت کی جانب سے چلائی جانے والی اسکیموں کے بارے میں تکنیکی معلومات فراہم کی جائیں گی۔ اس کے ساتھ ہی فصل باقیات مینجمنٹ کے بارے میں آگاہی، موسم کے موافق زراعت پروگرام سے متعلق معلومات،آرگینک کاشتکاری کی حوصلہ افزائی، ہر کھیت کو آبپاشی کا پانی وغیرہ پروگرام بھی سات عزائم پارٹ 2 کے تحت عام کیا جائے گا۔
پروگرام کے آغاز میں،پرنسپل سیکریٹری، جنرل ایڈمنسٹریشن اور محکمہ زراعت ڈاکٹر بی راجندر نے وزیر اعلیٰ کو سبز پودا پیش کرکے ان کا خیرمقدم کیا۔
اس موقع پر نائب وزیر اعلیٰ تیجسوی پرساد یادو، وزیر زراعت مسٹر کمار سروجیت، وزیر اعلیٰ کے پرنسپل سکریٹری مسٹر دیپک کمار، وزیر اعلیٰ کے ایگریکلچر مشیر ڈاکٹر منگلا رائے ، چیف سکریٹری عامرسبحانی، وزیر اعلیٰ کے پرنسپل سکریٹری ڈاکٹر ایس سدھارتھ، جنرل ایڈمنسٹریشن کم زراعت محکمہ کے پرنسپل سکریٹری ڈاکٹر بی راجندر،وزیراعلی کے اوایس ڈی گوپال سنگھ، ڈائرکٹر زراعت آلوک رنجن گھوش، ڈائرکٹر باغبانی مسٹر ابھیشیک کمار اور دیگر اعلیٰ عہدیدار موجود تھے ۔