شوپیاں//
جنوبی کشمیر کے شوپیاں ضلع کے سیدو گاؤں میں منگل کو ایک۷سالہ بچہ ایک سرکاری اسکول کے پچھلے حصے میں تالاب میں گر کر ہلاک ہوگیا۔
پولیس ذرائع نے ایک مقامی خبر رساں ایجنسی کو بتایا کہ بچے ‘جس کی شناخت سیدو شوپیاں کے فرحان مظفر کے نام سے ہوئی ہے‘ ایک تالاب کے اوپر سے گزررہا تھا اور توازن کھو بیٹھا جس سے وہ ڈوب کر ہلاک ہو گیا۔
تالاب جسے مقامی لوگ مویشیوں کے لیے پینے کے لیے استعمال کرتے ہیں وہ گورنمنٹ مڈل اسکول سیدو سے ۴۰ فٹ کے فاصلے پر واقع ہے۔
ایک مقامی شخص‘اقبال احمد نے کہا’’ہم نے اسکول کے حکام سے بار بار اسکول کے احاطے میں باڑ لگانے کی درخواست کی تھی لیکن اس پر عمل نہیں ہوا۔ یہ تالاب گھاس کے میدان کے ساتھ ساتھ ایک اسکول سے ملحق ہے جہاں مویشی اپنی پیاس بجھاتے ہیں‘‘۔‘
مقامی لوگوں نے مقتول کی لاش کو تالاب سے نکالا۔
پولیس نے جائے وقوعہ کا دورہ کیا اور قانون کی متعلقہ دفعات کے تحت مقدمہ درج کر لیا۔
مقامی لوگوں نے اپنے مطالبے کا اعادہ کیا اور حکام سے اپیل کی کہ وہ اسکول کی باڑ لگائیں جہاں بچوں کو تعلیم دی جارہی ہے۔
