لاہور//
سابق کپتان اور اسٹار آل راؤنڈر شاہد آفریدی نے کپتان بابر اعظم کی کور ڈرائیو کو ویرات کوہلی اور سٹیو سمتھ سے بہتر قرار دے دیا۔ حال ہی میں نجی چینل پر ایک پروگرام کے دوران مداح نے شاہد آفریدی سے سوال کیا کہ آپ ویرات کوہلی، سٹیو سمتھ اور بابر اعظم ان تینوں میں سے کس کی کور ڈرائیو کو پسند کرتے ہیں؟ مداح کے سوال پر شاہد آفریدی نے بتایا کہ ان کے نزدیک اس فہرست میں پہلا نمبر پر بابر اعظم ، دوسرا نمبر ویرات اور تیسرا سٹیو سمتھ کا ہے۔
شاہد آفریدی نے کہا کہ بابر اعظم کور ڈرائیو بہت خوبصورت کھیلتا ہے۔ دوران پروگرام ایک مداح نے شاہد آفریدی سے ٹی ٹونٹی ورلڈکپ 2024ء کیلئے اوپننگ پلیئرز سے متعلق سوال کیا جس پر سابق کپتان کا کہنا تھا کہ 2024ء کا ٹی ٹونٹی ورلڈکپ ابھی تھوڑا سا آگے ہے لیکن ان دونوں اوپنرز کی کارکردگی جتنی بہترین رہی ہے میرے خیال میں اوپننگ کھلاڑی یہی ہونے چاہئیں، دونوں اچھا پرفارم کررہے ہیں۔