گوہاٹی// انڈین یوتھ کانگریس (آئی وائی سی) کے صدر سری نواس بی وی آسام پردیش یوتھ کانگریس (اے پی وائی سی) کی برخاست صدر انگکیتا دتہ کی طرف سے ان کے خلاف درج ہراساں کرنے اور صنفی امتیاز کے معاملے کے سلسلے میں گوہاٹی پولیس کے سامنے پیش ہوئے ہیں۔
مسٹر سری نواس صبح تقریباً 9.30 بجے گوہاٹی پہنچے اور ایڈیشنل ڈپٹی کمشنر آف پولیس سے ملنے پان بازار پولیس اسٹیشن گئے ۔ تھانے میں ایک پولیس افسر نے ان سے ایک گھنٹے سے زیادہ پوچھ گچھ کی۔ اس کے بعد وہ الوباری میں کریمنل انویسٹی گیشن ڈپارٹمنٹ (سی آئی ڈی) گئے ، جہاں ان سے تقریباً ایک گھنٹے تک پوچھ گچھ کی گئی۔
جب مسٹر سری نواس سے انگکیتا دتہ کی طرف سے ان پر لگائے گئے الزامات کے بارے میں پوچھا تو انہوں نے عدالتی معاملہ کا حوالہ دیتے ہوئے کہا کہ انہیں عدلیہ پر بھروسہ ہے ۔
پولیس سری سری نواس تھانے پہنچنے پر کانگریس پارٹی کے کارکنوں کے ممکنہ احتجاج اور حمایت کو روکنے کے لئے گوہاٹی پولیس کمشنریٹ نے ہفتہ کو دفعہ 144 کے تحت امتناعی احکامات جاری کئے تھے ۔
خیال رہے کہ سپریم کورٹ نے بدھ کے روز سری نواس کو پیشگی ضمانت دے دی اور آسام حکومت اور دیگر کو نوٹس جاری کرتے ہوئے معاملے کی سماعت 10 جولائی کو مقرر کی۔
اس سے قبل محترمہ دتہ نے 19 اپریل کو دیسپور پولیس اسٹیشن میں سرینواس کے خلاف ایف آئی آر درج کرائی تھی۔ محترمہ دتہ کو مبینہ طور پر پارٹی مخالف سرگرمیوں کی وجہ سے کانگریس پارٹی سے چھ سال کے لیے نکال دیا گیا تھا۔