مودی کی کرناٹک اسمبلی انتخابات میں جیت پر کانگریس کو مبارکباد

نئی دہلی//
وزیر اعظم نریندر مودی نے کرناٹک اسمبلی انتخابات میں کانگریس کی جیت پر مبارکباد دی ہے اور عوام کی امنگوں کو پورا کرنے کے لیے نیک خواہشات کا اظہار کیا۔
مودی نے ٹویٹر پر کہا’’کرناٹک اسمبلی انتخابات میں کانگریس پارٹی کو ان کی جیت پر مبارکباد۔ میں عوام کی امنگوں کو پورا کرنے کیلئے ان کے لیے نیک خواہشات کا اظہار کرتا ہوں‘‘۔
کرناٹک میں کانگریس کو بڑی کامیابی ملی ہے اور ہفتہ کو ووٹوں کی گنتی کے رجحانات کے مطابق پارٹی کو تقریباً ۱۳۷سیٹیں ملنے کی امید ہے ۔۲۲۴؍اسمبلی سیٹوں کیلئے۱۰مئی کو ووٹنگ ہوئی تھی۔ حکمراں بھارتیہ جنتا پارٹی کو تقریباً ۶۵؍اور جنتا دل سیکولر کو۱۹کے قریب سیٹیں ملنے کا امکان ہے ۔