بارہمولہ میں چاقو کے وار سے نوجوان زخمی

سرینگر//
شمالی کشمیر کے بارہمولہ ضلع میں ہفتہ کے روز ایک نوجوان کو تین افراد نے مبینہ طور پر چاقو کے وار کرکے زخمی کردیا۔
ایک اہلکار نے ایک مقامی خبر رساںایجنسی کو بتایا کہ گلشن آباد بارہمولہ میں تین افراد نے مبینہ طور پر ایک نوجوان کو گاڑی کی چابی سے پیٹا اور چھرا گھونپ دیا۔
زخمی شخص کی شناخت طارق احمد (۱۸) گلشن آباد بارہمولہ کے نام سے ہوئی ہے جس کے بازو پر چوٹیں آئی ہیں اور اسے علاج کے لیے اسپتال منتقل کیا گیا ہے۔
دریں اثنائق پولیس نے واقعہ کا نوٹس لیتے ہوئے تین ملزمان کو گرفتار کر لیا ہے جبکہ مزید تفتیش شروع کر دی گئی ہے۔