پراپرٹی ٹیکس کی ادائیگی کا عمل آسان بنانے کی خاطر حکومت کوشاں

سرینگر//
جموںکشمیر میں پراپرٹی ٹیکس کو آسان بنانے کی خاطر انتظامیہ کی جانب سے اتفاق رائے کی کوشش کی جارہی ہے ۔
معلوم ہوا ہے کہ اس ضمن میں سافٹ وئیر اور ایپ تیار کیا جارہا ہے تاکہ ٹیکس کی ادائیگی کو آسان بنایا جاسکے ۔
ذرائع نے بتایا کہ جموں وکشمیر میں پراپرٹی ٹیکس کو آسان بنانے کی خاطر حکومت کی جانب سے مختلف سطحوں پر اقدامات اُٹھائے جارہے ہیں۔
ذرائع کے مطابق پراپرٹی ٹیکس پر اتفاق رائے کی کوشش کی جارہی ہے اور اس ضمن میں سرکار اربن لوکل باڈیز کے نمائندوں کے ساتھ بات کرئے گی۔پراپرٹی ٹیکس کے حوالے سے بیداری مہم بھی شروع کی جارہی ہے ۔
سرکار کی جانب سے جائیداد ٹیکس کو آسان بنانے کی خاطر سافٹ وئیر اور ایپ بھی تیار کیا جارہا ہے تاکہ لوگ آسانی کے ساتھ ٹیکس کی رقم جمع کر سکیں۔
واضح رہے کہ جموں وکشمیر کی انتظامیہ نے یکم اپریل سے یونین ٹریٹری میں پراپرٹی ٹیکس لگانے کے حوالے سے نوٹیفکیشن جاری کی۔اس ٹیکس کے خلاف کئی دنوں تک سیاسی پارٹیوں اور لوگوں نے احتجاجی مظاہرئے کئے ۔
جموں وکشمیر حکومت نے واضح کیا ہے کہ یونین ٹریٹری میں چالیس فیصد آبادی اس ٹیکس سے مستثنیٰ ہے ۔