رمیز راجا نے بابراعظم کا ڈان بریڈمین سے موازنہ کیا

لاہور// پاکستان کے سابق کرکٹر و معروف کمنٹیٹر رمیز راجا نے بابر اعظم کے شاندار کیریئر اور قیادت پر تبصرہ کرتے ہوئے کرکٹ کی تاریخ کے عظیم ترین بلے باز سمجھے جانے والے ڈان بریڈمین سے ان کا موازنہ کیا ہے۔جس سے اندازہ ہوتا ہے کہ پاکستانی بلے باز کو کرکٹ کی دنیا میں کس قدر اہمیت حاصل ہے۔
کرکٹ کی تاریخ کے عظیم ترین بلے باز سمجھے جانے والے ڈان بریڈمین سے ان کا موازنہ کرنا کوئی کم تعریف نہیں ہے۔
جیسا کہ راجہ نے اشارہ کیا کہ بابر نے مستقل مزاجی کا مظاہرہ کیا ہے جو کہ وائٹ بال فارمیٹ میں واقعی قابل ذکر ہے۔ یہ مستقل مزاجی غیر معمولی تکنیک اور مزاج کی بنیاد پر استوار ہے اور یہ دونوں چیزیں اعظم کے پاس ہیں۔
رمیزراجا نے کہا کہ بابر اعظم ڈان بریڈمین سے کم نہیں، وائٹ بال کرکٹ میں وہ اعدادوشمار کے لحاظ سے دنیا کے بہترین کھلاڑی بن چکے ہیں، میں نے اتنے خطرناک فارمیٹ میں کسی کھلاڑی کی اتنی مستقل مزاجی کبھی نہیں دیکھی جس کی بنیاد ان کی تکنیک اور مزاج ہے۔
انہوں نے کہا کہ بابر کے پاس کوئی تکنیکی مسئلہ نہیں ہے، چاہے وہ گھاس والی پچ ہو یا کراچی جیسی پچ، جہاں بالر عموماً جدوجہد کرتے ہیں۔
پاکستان آئی سی سی ون ڈے ٹیم رینکنگ میں نمبر ایک پر پہنچ گیا جب کہ بابر نے نیشنل بینک اسٹیڈیم میں چوتھے میچ میں نیوزی لینڈ کے خلاف 102 رنز کی فتح میں اپنی 18 ویں سنچری بنائی اور تیز ترین 5,000 رنز بنانے والے بلے باز گئے۔
سابق کرکٹر نے کہا کہ بابر نے تیز ترین 5000 ون ڈے رنز نمائے ہیں اور اس نے ویو رچرڈز جیسے کئی لیجنڈز کو پیچھے چھوڑ دیا ہے جو کہ ایک بڑی کامیابی ہے۔