راجوری انکاونٹر:پولیس، فوج اور پیرا ملٹری فورسز کے سینئر آفیسران راجوری روانہ

جموں//
راجوری کے جنگلی علاقے میں سیکورٹی فورسز اور جنگجوؤں کے مابین جاری تصادم کے بیچ پولیس ، فوج اور پیرا ملٹری فورسز کے سینئر آفیسران جائے موقع پر پہنچے ۔
معلوم ہوا ہے کہ گھنے جنگلوں میں موجود ملی ٹینٹوں کو مار گرانے کی خاطر فضائیہ کی خدمات حاصل کی گئیں ۔
اطلاعات کے مطابق راجوری کے جنگلی علاقے سیکورٹی فورسز اور ملی ٹینٹوں کے مابین گھمسان کی لڑائی جاری ہے ۔
ذرائع نے بتایا کہ پولیس سربراہ دلباغ سنگھ اور شمالی کمان کے سربراہ ہنگامی طورپر راجوری پہنچے جہاں پر وہ آپریشن کی نگرانی کر رہے ہیں۔
ذرائع نے مزید بتایا کہ جنگلی علاقے میں محصور ملی ٹینٹوں کو مار گرانے کی خاطر ہیلی کاپٹروں کی خدمات حاصل کی گئی ۔
ذرائع کے مطابق پیرا کمانڈوز نے جنگلی علاقے کو پوری طرح سے سیل کرکے فرار ہونے کے سبھی راستوں پر پہرے بٹھا دئے ہیں۔
دفاعی ذرائع نے بتایا کہ ملی ٹینٹ ایک گھپا میں چھپے بیٹھے ہیں جنہیں مار گرانے کی خاطر ہیلی کاپٹروں کی خدمات حاصل کی گئیں ۔