داعش کا مرکزی رہنما ابو حسین القریشی شام میں ہلاک

انقرہ//
داعش کا مرکزی رہنما ابو حسین القریشی شام میں مارا گیا، ترکیہ کے صدر رجب طیب اردوان نے تصدیق کر دی۔
تفصیلات کے مطابق ترک صدر رجب طیب اردوان نے ایک ٹی وی انٹرویو میں کہا ہے کہ ترک افواج نے ایک آپریشن کے دوران داعش رہنما کو ہلاک کر دیا۔
انھوں نے کہا ’’ہماری انٹیلیجنس ایجنیساں طویل عرسے سے داعش رہنما کی تلاش میں تھیں، اب سے ہم دہشت گرد تنظیموں کے خلاف لڑائی بلا امتیاز جاری رکھیں گے۔‘‘
انھوں نے کہا کہ دہشت گردی کے خلاف ترکی کی جنگ یورپ کی سلامتی میں اہم کردار ادا کر رہی ہے، یورپ یا تو اس سے آگاہ نہیں ہے یا اس سے آگاہ ہونا ہی نہیں چاہتا ہے۔
واضح رہے القریشی کو ابو الحسن الہاشمی القریشی کی موت کے بعد داعش کا سربراہ نامزد کیا گیا تھا، ابوالحسن الہاشمی القریشی گزشتہ سال اکتوبر میں شامی حر فوج کے ہاتھوں صوبہ دار میں ہلاک ہو گیا تھا۔