واشنگٹن۔ بیجنگ لائن میں نیا تناو

واشنگٹن//
امریکہ کی ریاست نیو یارک میں عوامی جمہوریہ چین کے لئے اوورسیز پولیس تھانے کے فرائض ادا کرنے والے ایک آفس کے 2 ملازمین کو حراست میں لے لیا گیا ہے۔
امریکہ وزارت انصاف اور وفاقی تحقیقاتی بیورو’ایف بی آئی کے حکام نے بروک لین وفاقی عدالت میں منعقدہ پریس کانفرنس میں کہا ہے کہ مین ہیٹن کے جنوب میں واقع چائنہ ٹاون کے قریبی علاقے میں چین حکومت کے لئے اوورسیز پولیس تھانے کے فرائض ادا کرنے والے آفس پر چھاپے میں 2 چینی الاصل امریکی شہریوں کو حراست میں لے لیا گیا ہے۔
حکام کا کہنا ہے کہ چین کی وزارت برائے عوامی سلامتی کو معلومات فراہم کرنے کے دعوے کے ساتھ، غیر قانونی رابطہ آفس کے ، 2 ملازمین کو حراست میں لے لیا گیا ہے۔ زیرِحراست افراد میں سے ایک برونکس کا رہائشی 61 سالہ لو جیان وانگ اور دوسرا مین ہیٹن کا رہائشی 59 سالہ چن جن پنگ ہے۔
ایف بی آئی حکام کے مطابق دونوں چینیوں کو، دائرہ مقدموں کے دائرہ کار میں، آج علی الصبح نیویارک میں ان کے رہائشی مکانات سے حراست میں لیا گیا ہے۔ دونوں افراد کو بروک لین کے مجسٹریٹ ریمن ای، ریز کے حضور پیش کیا جائے گا۔
امریکہ وزارت انصاف کے انٹر نیٹ پیج سے جاری کئے گئے بیان میں لُو اور چن کو چین کے لئے جاسوسی کرنے اور چین کی وزارت برائے عوامی سلامتی کے حکام سے روابط کے ثبوت ضائع کر کے انصاف کے راستے میں رکاوٹ بننے کا قصور وار ٹھہرایا گیا ہے۔