عالمی شہرت یافتہ ایرانی قاری احسن بیات ہمدانی کا تاریخی جامع مسجد کا دورہ

سرینگر//
ایران کلچرل ہاوس نئی دہلی کی جانب سے بین الاقوامی شہرت کے حامل قاری قرآن ‘قاری برتر اسلامی جمہوریہ ایران ‘آقای احسان بیات ہمدانی نے نماز ظہر کے موقعہ پر تاریخی جامع مسجد سرینگر میں اپنی فن قرات کا شاندار اور خوبصورت مظاہرہ کیا۔
اس موقعہ پر بڑی تعداد میں نمازی اور زائرین جو ماہ رمضان کے آخری عشرۃ نجات میں نماز ظہر ادا کرنے اور اللہ تبارک و تعالیٰ کے حضور سجدہ ریز ہونے کیلئے حاضر ہوئے تھے قاری صاحب موصوف کی قرات سے اپنے ایمان اور یقین میں اضافہ کیا۔
معزز مہمان اور ان کے رفقا کا انجمن اوقاف جامع مسجد کے سربراہ نظر بند میرواعظ مولوی محمد عمر فاروق کی جانب سے انجمن کے ذمہ داروں حاجی الطاف احمد بٹ ، مفتی غلام رسول سامون اور مولانا ایم ایس رحمن شمس نے استقبال کرتے ہوئے میرواعظ موصوف کی طرف سے ان کے اعزاز میں شال پوشی کی جبکہ کشمیر میں دین اسلام کی آمد اور فروغ حضرت امیرکبیر میرسید علی ہمدانیؒ کے بعد میرواعظین کشمیر کا تسلسل کے ساتھ حفاظت اسلام اور اشاعت اسلام کے تعلق سے تاریخ پر روشنی ڈالتے ہوئے مہمان گرامی کو آگاہ کیا گیا۔
ترجمانی کے فرائض پیروان ولایت کے سربراہ‘آغا سید سبط شبیر قمی نے انجام دیئے اور معزز مہمان کی طرف سے میرواعظ کیلئے ہدیہ تشکر پیش کیا۔