چنئی//جب بدھ کی رات چنئی سپر کنگز کے کپتان مہندر سنگھ دھونی راجستھان رائلز کے خلاف بلے بازی کے لیے اترے تو جیو سنیما پر ناظرین کی تعداد 22 ملین سے تجاوز کرگئی، جو ایک ہی سیشن میں ریکارڈ کی گئی سب سے زیادہ تعداد ہے۔
ایم اے چدمبرم اسٹیڈیم میں کھیلے گئے ایک دلچسپ مقابلے میں راجستھان نے چنئی کو تین رنز سے شکست دی۔ چنئی کو تین اووروں میں 54 رنز درکار تھے لیکن دھونی کریز پر موجود تھے، تماشائی آخری گیند تک بلے بازی کے ساتھ میچ کے اتار چڑھاؤ کو دیکھتے رہے۔
دھونی نے ایک بار پھر پرانے دنوں کی جھلک دکھاتے ہوئے 17 گیندوں پر 32 رنز بنائے۔ انہوں نے آخری اوور میں دو چھکے لگا کر میچ کو دلچسپ بنا دیا، تاہم جب چنئی کو آخری گیند پر پانچ رنز درکار تھے، راجستھان کے تیز گیند باز سندیپ شرما نے صرف ایک رن دیا اور چنئی کو تین رنز سے شکست کا سامنا کرنا پڑا۔
ناظرین کے لحاظ سے جیو سینما آئی پی ایل2023 کے ڈیجیٹل اسٹریمنگ پارٹنر، نے گزشتہ ہفتے کے آخر میں ایک شاندار آغاز کیا۔ پہلے ویک اینڈ پر ناظرین نے پچھلے پورے سیزن کے ناظرین کے اعداد و شمار کو پیچھے چھوڑ دیا۔ جیو سنیما پر ویڈیو ریکارڈز کو 147 کروڑ سے زیادہ بار دیکھا گیا۔ جیو سنیما پر فی میچ خرچ ہونے والے وقت میں بھی 60 فیصد اضافہ ہوا ہے۔
