ہیروئن ریکوری کیس: تیسرا منشیات فروش کوبھی حراست میں

سرینگر//
جموںکشمیر پولیس نے سرینگر میں۷۰کروڑ روپے مالیت کی ہیروئن برآمد کرکے دو منشیات فروشوں کو حراست میں لیا ۔
معلوم ہوا ہے کہ جمعے کے روز اس کاروبار میں ملوث تیسرے منشیات فروش کو بھی دھر دبوچ کر سلاخوں کے پیچھے دھکیل دیا گیا۔
پولیس نے جمعرات کے روز سی آر پی ایف اہلکار سمیت دو افراد کو حراست میں لیا تھا۔
ذرائع نے بتایا کہ ابتدائی تحقیقات کے دوران منکشف ہوا ہے کہ سی آر پی ایف اہلکار سجاد احمد بڈانہ ساکن کرناہ ۱۶۰ویںبٹالین سی آر پی ایف میں تعینات ہے ۔
پولیس ذرائع کے مطابق معاملے کی بڑے پیمانے پر تحقیقات جاری ہے اور مزید گرفتاریوں کو خارج از امکان قرار نہیں دیاجاسکتا ۔
ایڈیشنل ڈائریکٹر جنرل آف پولیس کشمیر رینج وجے کمار نے ٹویٹ کے ذریعے جانکاری دیتے ہوئے بتایا کہ سری نگر پولیس نے دو منشیات فروش جن کی شناخت سجاد احمد بڈانہ ساکن نچان کرناہ اور ظہیر احمد ٹنچ ساکن امروی کرناہ کے بطور ہوئی ہے کو حراست میں لیا۔
کمارنے بتایا کہ گرفتار شدگان کے قبضے سے گیارہ لاکھ۸۲ہزار پانچ سو روپے نقدی‘۱۱کلو گرام ہیروئن برآمد کی گئی ہے ۔