سانبہ میں تیز رفتار ٹرین نے خاتون کو کچل ڈالا

جموں//
سانبہ میں وجے پور ریلوے ٹریک کے نزدیک چلتی ٹرین کی زد میں آکر خاتون کی موت واقع ہوئی۔
سرکاری ذرائع نے بتایا کہ سانبہ میں خاتون چلتی ٹرین کی زد میں آکر شدید طورپر زخمی ہوئی۔انہوں نے کہاکہ زخمی خاتون کو علاج ومعالجہ کی خاطر نزدیکی ہسپتال منتقل کیا گیا تاہم وہاں پر تعینات ڈاکٹروں نے اسے مردہ قرار دیا۔
ان کے مطابق متوفی کی شناخت معلوم کی جارہی ہے ۔
پولیس نے معاملے کی نسبت کیس درج کرکے مزید تحقیقات شروع کی ۔