سرینگر//
جنوبی کشمیر کے سیاحتی مقام سنتھن ٹاپ پر منگل کے روز بر فانی تودا گر آیا جس کے نتیجے میں جے سی بی آپریٹر کی برسر موقع ہی موت واقع ہوئی۔
سرکاری ذرائع نے بتایا کہ منگل کے روز سنتھن ٹاپ پر برف ہٹانے کا کام جاری تھا کہ اسی اثنا میں ایک بھاری برکم برفانی تودے کے نیچے جے سی بی آیا ۔
ذرائع نے بتایا کہ تحصیلدار لارنو اور ایس ایچ او کی سربراہی میں ٹیم نے فوری طورپر ریسکیو آپریشن شروع کیا اور بعد ازاں جے سی بی آپریٹر کی لاش برف سے باہر نکالی گئی۔
متوفی جے سی بی آپریٹر کی شناخت جاوید احمد زاگو ولد عبدالعزیز ساکن لارنو کے بطور ہوئی ہے ۔
سرکاری ذرائع نے مزید بتایا کہ علاقے میں ریسکیو آپریشن جاری ہے ۔
دریں اثنا ذرائع نے بتایا کہ برفانی تودا گر آنے کے بعد دو افراد لاپتہ ہوئے جن میں سے ایک کی لاش برآمد کی گئی جبکہ دوسرے کی تلاش جاری ہے ۔