استنبول//
ترکی کی صنعت اور ٹیکنالوجی کے وزیر مصطفی وارنک نے کہا کہ فروری میں آئے زلزلے سے ملک کے 5600صنعتی ادارے متاثر ہوئے اور ملک کی معیشت کے اسٹریٹجک شعبے کو نو ارب ڈالر کا نقصان پہنچا۔
مسٹر ورنک نے ایک پریس ریلیز میں کہا کہ بنیادی ڈھانچے، عمارتوں، آلات اور شیئرز کو پہنچنے والے نقصان کا تخمینہ تقریباً 170 ارب ترکی لیرا (9 ارب ڈالر) لگایا گیا ہے۔
انہوں نے مزید کہا کہ مجموعی طور پر ترکی کے 34 صنعتی علاقوں میں تقریباً 5600کاروباری اداروں کو زیادہ یا کم حد تک نقصان پہنچا ہے۔ مزید 33,000فیکٹریاں چل رہی ہیں۔
قابل ذکر ہے کہ 06 فروری کو ترکی کے جنوب مشرقی علاقوں میں نو گھنٹے کے وقفے سے 7.7 اور 7.6شدت کے دو زلزلوں نے ہزاروں مکانات کو نقصان پہنچایا تھا۔ ترکی کے 11 صوبوں اور پڑوسی ممالک بالخصوص شام میں زبردست جھٹکے محسوس کیے گئے تھے۔ ترکی میں زلزلے کے نتیجے میں 50 ہزار سے زائد افراد ہلاک ہو گئے۔