جموں//
سرینگر میں عوام الناس کی سہولیت کیلئے پہلی بار نائٹ بس سروس شروع کی جائے گی۔
اِس سلسلے میں صوبائی کمشنر کشمیر وِجے کمار بِدھوری نے آج اَفسران کی ایک میٹنگ منعقد کی تاکہ نائٹ ٹرانسپورٹیشن کی خدمت کیلئے ایس آر ٹی سی بس کی شمولیت کا منصوبہ بنایا جائے۔
میٹنگ میں ریجنل ٹرانسپورٹ آفیسر کشمیر‘ سینئر سپر انٹنڈنٹ سٹی ٹریفک پولیس ‘جنرل منیجر جے کے ایس آر ٹی سی اور دیگر اَفسران نے شرکت کی۔
صوبائی کمشنر کشمیر نے جے کے ایس آر ٹی سی کو ہدایت دی کہ وہ زائد اَز۱۴ بسیں مہیا کرے جو سرینگر کے مختلف روٹوں پر چلیں گی تاکہ شام کے بعد عام لوگوں کو سہولت ہو کیونکہ عام طو پر مسافروں کیلئے شام ہوتے ہی پبلک ٹرانسپورٹ دستیاب نہیں رہتی ہے۔
صوبائی کمشنر نے آر ٹی او کشمیر کو ایس آر ٹی سی بسوں کو چلانے کیلئے راستوں کی نشاندہی کرنے کی ہدایت دی ۔ اُنہوں نے آفیسر کو ایک ساتھ ٹائم شیڈول مرتب کر کے جمع کرنے کی بھی ہدایت دی۔
دورانِ میٹنگ بتایا گیا کہ کہ بس سروس رات ۱۰بجے تک دستیاب رہے گی۔
بدھوری نے متعلقہ سمارٹ سٹی آفیسر کو ہدایت دی کہ وہ جاری کاموں کو تیز کریں اور سڑکوں سے ملبہ اور میٹریل کو ہٹائیں تاکہ رُکاوٹوں سے بچاجاسکے۔