امیش پال قتل کے سلسلے میں بریلی میں جیلر سمیت 6معطل

بریلی// اترپردیش کے ضلع پریاگ راج میں امیش پال قتل معاملے کی سازش میں مبینہ طور سے شامل شہ زور لیڈر عتیق احمد کے بھائی اشرف کی مدد کرنے کے الزام میں بریلی جیل کے جیلر سمیت چھ ملازمین کو معطل کردیا گیا ہے ۔ اس معاملے میں ایک قیدی گارڈ سمیت دو ملزمین کو گرفتار کر کے جیل بھیج دیا گیا ہے ۔
پولیس ذرائع نے پیر کو بتایا کہ اب تک اس معاملے میں دو قیدی گارڈ سمیت چھ افراد کو جیل بھیجا جاچکا ہے ۔ پولیس ڈائرکٹر جنرل (جیل) کی طرف سے معطل جیل افسروں اور گارڈؤں کے خلاف محکمہ جاتی جانچ کا بھی حکم دیا گیا ہے ۔
ذرائع کے مطابق پریاگ راج میں امیش پال قتل کا منصؤبہ پیلی بھیت بائی پاس واقع ایک میرج ہال اور فائیک انکلیو کالونی سمیت چھ شہروں میں کئی مقامات پر رچی گئی تھی۔ کالونی میں اشرف کا سالا صدام رہتا تھا۔ اس مکان کو سیل کیا جاچکا ہے ۔ سازش کرنے اور جیل میں بند اشرف سے فرضی ملاقات کروانے اور سہولیت فراہم کرانے کے معاملے میں ڈی جی جیل آنند کمار نے اس پورے معاملے کی جانچ ڈی آئی جی جیل بریلی آر این پانڈے کو دی تھی۔ گذشتہ کئی دنوں سے وہ جیل میں چھاپے ماری کر کے ثبوت تلاش کررہے تھے ۔
پیر کو ڈی آئی جی جیل نے اپنیجانچ رپورٹ ڈی جی جیل کو سونپ دی ۔ ڈی جی جیل نے جانچ رپورٹ کی بنیاد پر بریلی جیل کے جیلر راجیو مشرا، ڈپٹی جیلر درگیش پرتاپ سنگھ، ہیڈکانسٹیبل برجویر سنگھ، منوج گوڑ، دانش مہندی، لکھ پت سنگھ کو معطل کردیا ہے ۔ اس معاملے میں شیوہری اوستھی کو پہلے ہی معطل کیا جاچکا ہے ۔ سبھی کے خلاف محکمہ جاتی جانچ کا آغاز کردیاگیاہے ۔