نئی دہلی//ہاکی انڈیا نے زمینی سطح پر کھیل کو مضبوطی فراہم کرنے کے لئے منگل کو سب جونیئر (انڈر 16-)اور جونیئر(انڈر 19-)بین علاقائی چیمپین شپ کی شروعات کرنے کا اعلان کیا۔
ہاکی انڈیا نے ایک ریلیز جاری کرکے کہا کہ اس پہل کا مقصد شمال، جنوب، مشرق اور مغرب سمیت چارشعبوں میں مقابلے کا انعقاد کرکے خواتین اور مرد کی صلاحیتوں کو تلاش کرنا ہوگا۔ پہلے بین علاقائی ٹورنامنٹ کی شروعات 19مارچ کو ہو گا جس میں 30ریاستوں کی ٹیموں کو حصہ لینے کی امید ہے۔
ہاکی انڈیا کے چیئرمین اور پدم شری دلیپ ٹرکی نے کہا،”علاقائی چیمپئن شپ یوتھ اتھلیٹوں کو ہاکی انڈیا نیشنل چیمپئن شپ کی طرح میچ کی صورت حال کا تجربہ ملے گا۔ علاقائی چیمپئن شپ میں منتخب کئے گئے اتھلیٹوں کو نیشنل چیمپئنشپ میں حصہ لینے کی ضرورت ہوگی، جس سے انہیں اپنے ہاکی مہارت کو فروغ دینے کا موقع ملے گا۔“
ہاکی انڈیا کے جنرل سکریٹری بھولاناتھ سنگھ نے کہا کہ باصلاحیت اتھلیٹوں کی شناخت کے لئے ہر زون میں سلیکشن کمیٹیاں ہوں گی۔ انہوں نے کہا،”ہر زون کا اپنا سلیکشن پینل ہوگا۔ سلیکشن کمیٹیوں میں کم سے کم تین افراد ہوں گے، زونل ٹیموں کے سلیکٹر اور کوچ تمام کھلاڑیوں کی ترقی پر نگرانی رکھنے اور ہمیں اپڈیٹ کرنے کے ذمے دار ہوں گے۔“
ڈاکٹر ٹرکی نے بتایاکہ یہ پروگرام کھلاڑیوں کو گول کیپر اور ڈریگ فلٹر جیسے خصوصی کررداروں کے لئے تیار کرنے پر بھی نظر رکھے گا۔ ساتھ ہی ہاکی انڈیا گھریلو اور غیر ملکی دورے کے لئے انڈر17-اور انڈر19- ٹیم بنانے پر بھی غور کر رہا ہے۔
دریں اثنا،ہاکی انڈیا نے بتایا کہ وہ بین علاقائی چیمپئن شپ کے لئے ایک خصوصی کوچ پینل اور ریفری بنا رہا ہے۔
کوچ پینل میں ایف آئی ایچ لیول 1-سرٹیفکیٹ رکھنے والے کوچ شامل ہوں گے۔ یہ پینل چیمپئن شپ میں حصہ لینے والی ٹیموں کی تربیت کرنے کے علاوہ گھریلو کوچوں کی ترقی بھی یقینی کرے گا۔
ہاکی انڈیاکے جنرل سکریٹری نے ریفری پینل کے بارے میں کہا،”میچ آفیسر اتنے ہی اہم ہیں جتنے کہ کوچ۔ ہمارے پاس پہلے سے ہی ملک بھر کے قابل تکنیکی افسروں کی ایک فہرست ہے، وہ ایک مضبوط میچ آفیشلز پینل بنئیں گے جو زمینی سطح کے ٹورنامنٹ کا انعقاد کرے گا۔“