کشمیر میں رونما ہونے والی تبدیلیاں ملک کے نوجوانوں کیلئے بھی اہم ہیں:شاہ

سرینگر//
مرکزی وزیر داخلہ‘ امیت شاہ نے کہا ہے کہ کشمیر میں رونما ہونے والی تبدیلیاں نہ صرف کشمیر کے بچوں بلکہ پورے ملک کے نوجوانوں کے لیے اہم ہیں۔
مرکزی وزیر داخلہ نے آج ویڈیو کانفرنسنگ کے ذریعے انڈین انسٹی ٹیوٹ آف سسٹین ایبلٹی، گجرات یونیورسٹی کے زیر اہتمام کشمیر مہوتسو سے خطاب کیا۔
شاہ نے کہا کہ کشمیر میں رونما ہونے والی تبدیلیاں نہ صرف کشمیر کے بچوں بلکہ پورے ملک کے نوجوانوں کیلئے اہم ہیں۔
وفاقی وزیر داخلہ نے کہا کہ پچھلے سال تقریباً ۸۰ء۱ کروڑ سیاحوں نے کشمیر کا دورہ کیا اور کشمیریت اور کشمیری ثقافت سے واقفیت حاصل کی اور ایک اچھا پیغام لے کر واپس گئے۔ انہوں نے کہا کہ ایک وقت تھا جب کشمیر میں بم دھماکے، ہڑتال اور پتھراؤ ہوا کرتا تھا، لیکن آج مودی کی قیادت میں لائی گئی تبدیلیوں کی وجہ سے کشمیر کے نوجوانوں کے ہاتھوں میں کتابیں اور لیپ ٹاپ ہیں۔
شاہ کاکہنا تھا کہ اسٹارٹ اپس کے لیے ایک نئی سوچ اور دنیا کے نوجوانوں کو چیلنج کرنے کی صلاحیت۔
وزی داخلہ نے کہا کہ کشمیر سے دفعہ ۳۷۰؍ اور۳۵؍اے ہٹائے جانے کے بعد پہلی بار جمہوریت نچلی سطح پر پہنچی ہے۔ انہوں نے کہا ’’آج کشمیر کے پنچایتی نظام میں عوام کے ۳۰ہزار سے زیادہ منتخب نمائندے کام کر رہے ہیں۔گزشتہ۹ سالوں میں وزیر اعظم مودی کی طرف سے لائی گئی ان تبدیلیوں سے پوری قوم خوش ہے‘‘۔