پہلی تا۷ویں اور۹ویں جماعت کے امتحانات ۲۰ مارچ تک مکمل کرنے کا حکم

سرینگر//
سرمائی تعطیلاتی کے بعد تدریسی سرگرمیوں کی بحالی کے ساتھ ہی محکمہ اسکول ایجوکیشن نے جمعرات کو حکم دیا ہے کہ پہلی سے ساتویںاور ۹ویں جماعت کے امتحانات۲۰ مارچ تک مکمل کئے جائیں۔
ڈائریکٹر آف اسکول ایجوکیشن کشمیر (ڈی ایس ای کے) نے یہ بات چیف ایجوکیشن آفیسرز اور تمام ڈی آئی ای ٹی کے پرنسپل کو بھیجے گئے ایک مراسلے میں کہی۔ اہلکار نے کہا، ’’کلاس یکم سے ۷ ویں اور۹ ویں کے امتحانات وضع کردہ رہنما خطوط کے مطابق اسکول میں لئے جائیں گے۔ اس سلسلے میں طلباء کافی اچھی طرح سے تیار ہیں اور سکول سربراہان کے تاثرات کے مطابق امتحانات کے انعقاد کا انتظار کر رہے ہیں۔ آپ سے درخواست ہے کہ اپنے ضلع کے سکولوں کے سربراہان کو ہدایت کریں کہ وہ ۲۰مارچ۲۰۲۳ تک امتحانات کا عمل مکمل کریں‘تاکہ نئی کلاسوں کا کلاس ورک فوری طور پر شروع کیا جا سکتا ہے‘‘۔
ضلع سرینگر میں جماعت اول تا ۷ویں اور ۹ویں کے ٹرم اینڈ کے امتحانات مارچ کے دوسرے ہفتہ سے پرانے طرز کے مطابق منعقد ہوں گے۔