اسٹارٹ اپس کے لیے عوامی اداروں کو آگے آنا چاہیے : دھرمیندر پردھان

نئی دہلی//مرکزی تعلیم اور ہنرمندی کی ترقی کے وزیر دھرمیندر پردھان نے کہا ہے کہ اسٹارٹ اپ دوستانہ ماحول بنانے کے لئے پبلک سیکٹر کے اداروں کوآگے آنا چاہیے ۔
مسٹرپردھان نے کل دیر شام نیتی آیوگ کے اٹل انوویشن مشن (اے آئی ایم) میں اپنی پیش رفت اورمستقبل کے منصوبوں پر تبادلہ خیال کرنے کے لئے اعلیٰ سطحی کمیٹی (ایم ایچ ایل سی) کی میٹنگ منعقد کی۔ کمیٹی نے گزشتہ سال کی پیش رفت کا جائزہ لیا اور آنے والے برسوں کے لیے اہم اقدامات پر تبادلہ خیال کیا۔
میٹنگ کے دوران، مسٹرپردھان نے ملک میں اختراع کے ماحول کو مضبوط کرنے اور طلباء و نوجوانوں کے درمیان، خاص طور پر دوسرے اور تیسرے درجے کے شہروں کے اعلیٰ تعلیمی اداروں میں کاروباری صلاحیت کو فروغ دینے کی ضرورت پر زور دیا۔ انہوں نے اختراع کے خواہشمندوں کے لئے وسائل تک زیادہ رسائی اور مدد فراہم کرنے کے لئے ٹیکنالوجی اور ڈیجیٹل پلیٹ فارم سے فائدہ اٹھانے پر زور دیا۔
مسٹرپردھان نے اے آئی ایم اور وزارت تعلیم کواسکول اور اعلیٰ تعلیمی اداروں میں اختراعی نصاب کی ترقی کی سمت کام کرنے کی سفارش کی۔