بنگلور،//کرناٹک کے سابق نائب وزیر اعلی اور کانگریس کے سینئر لیڈر جی پرمیشور نے ریاستی اسمبلی الیکشن سے پہلے جمعہ کو پارٹی کی الیکشن مینی فیسٹو کمیٹی سے استعفی دے دیا۔اس واقعہ سے پارٹی میں ٹکٹ تقسیم کے حوالے سے اندرونی اختلافات کھل کر سامنے آتے ہیں۔
پارٹی ذرائع کے مطابق،کرناٹک کانگریسی صدر ڈی کے شیو کمار،اے آئی سی سی کے جنرل سکریٹری رندیپ سنگھ سورجے والااور کے پی سی سی کے دیگر کارکنوں کی موجودگی میں ہوئے منشور کمیٹی اجلاس میں مسٹر پرمیشور غیر حاضر رہے ، جب کہ اس میٹنگ کا انعقاد ریاستی انتخابوں کے لئے پارٹی امیدواروں کی فہرست پر آخری فیصلہ لینے کے لئے کیا گیا تھا۔
یہ کرناٹک کانگریس کے لئے ایک بڑا جھٹکا مانا جارہا ہے کیونکہ مسٹر پرمیشور ریاستی کانگریس کے بہت بڑے لیڈر ہیں اور ایچ ڈی کمار سوامی کی قیادت والی کانگریس جے ڈی ایس اتحاد حکومت میں نائب وزیر اعلی بھی رہ چکے ہیں۔
مسٹر پرمیشور کا استعفی سدھارمیا اور شیو کمار کے درمیان چلنے والے اختلافات کے بیچ ہوا ہے اور دونوں لیڈروں کے درمیان اسمبلی انتخاب میں وزیر اعلی عہدے کو لے کر اندرونی اختلافات شرورع ہو چکا ہے ۔
ذرائع کے مطابق، حالانکہ پارٹی کے ٹاپ لیڈر مقامی لیڈروں سے رابطہ میں ہیں اور اسمبلی انتخاب سے پہلے اس مسئلے کو حل کرنے کی کوشش کر رہے ہیں۔