آئی جی بی ایس ایف کا لائن آف کنٹرول کا دورہ

سرینگر//
بارڈر سیکورٹی فورس (بی ایس ایف )کے آئی جی‘ اشوک یادو نے پیر کے روز لائن آف کنٹرول کا دورہ کیا اور وہاں پر اگلی چوکیوں کا معائنہ بھی کیا۔
اس موقع پر آئی جی بی ایس ایف نے فوج کی تیاریوں کا جائزہ لیا۔
اطلاعات کے مطابق آ ئی جی بی ایس ایف اشوک یادو نے پیر کے روز لائن آف کنٹرول کا دورہ کیا اور وہاں پر فوج کی تیاریوں کا جائزہ لیا۔
یادو نے کہاکہ لائن آف کنٹرول پوری طرح سے محفوظ ہے اور بی ایس ایف جوان اپنے فرائض خوش اسلوبی کے ساتھ انجام دے رہے ہیں۔
ذرائع نے بتایا کہ آئی جی بی ایس ایف نے اس موقع پر کہا’’ سرحدوں پر تعینات افواج نے گزشتہ سال دراندازی کی کئی کوششوں کو ناکام بنایا جس دوران ہتھیار و گولہ بارود کو برآمد کرکے ضبط کیا گیا‘‘۔
یادو نے بتایا کہ سرحدیں پوری طرح سے محفوظ ہے اور اس کو مزید محفوظ بنانے کی خاطر زمینی سطح پر اقدامات اٹھائے جارہے ہیں۔
آئی جی بی ایس ایف کے مطابق سرحدوں پر تعینات افواج چوبیس گھنٹے اپنے فرائض خوش اسلوبی کے ساتھ انجام دے رہے ہیں اور کسی کو بھی اس طرف آنے کی اجازت نہیں دی جائے گی۔