بانڈی پورہ میں کشن گنگا ندی میں برفانی تودا گر آیا

سرینگر//
شمالی ضلع بانڈی پورہ کے گریز علاقے میں کشن گنگا ندی میں برفانی تودا گر آیا جس وجہ سے کئی مقامات پر ندی بلاک ہو گئی ہے ۔
دریں اثنا حکام نے لوگوں سے تلقین کی کہ وہ دریا کے قریب جانے سے گریز کریں۔
سرکاری ذرائع نے بتایا کہ کشن گنگا ندی میں تلیل کے چکوالیا اور انگی کوٹ علاقے میں برفانی تودے گر آئے جس وجہ سے ندی کئی مقامات پر بلاک ہو گئی ۔انہوں نے مزید بتایا کہ کسی جانی یا مالی نقصان کے بارے میں کوئی اطلاع موصول نہیں ہوئی ہے ۔
ایک سرکاری عہدیدار کے مطابق علاقے کو احتیاطی طور پر بند کر دیا گیا ہے اور لوگوں سے تاکید کی گئی ہے کہ وہ گھروں سے غیر ضروری باہر نکلنے سے احتراز کریں۔
اس دوران جموںکشمیر کے کشتوار ضلع کے پڈر علاے میں جمعے کے روز ایک برفانی تودا گر آیا تاہم کسی جانی یا مالی نقصان کی کوئی اطلاع نہیں ہے ۔
اطلاعات کے مطابق جمعے کے روز کشتواڑ کے پڈر علاقے میں ایک بھاری برکم برفانی تودا گر آیا۔انہوں نے کہا کہ تاہم اس واقعے میں کسی جانی یا مالی نقصان کی کوئی اطلاع نہیں ہے ۔
دریں اثنا حکام علاقے میں تازہ صورتحال پر کڑی نگاہ رکھے ہوئے ہیں۔
ایک سرکاری عہدیدار کے مطابق علاقے کو احتیاطی طور پر بند کر دیا گیا ہے اور لوگوں سے تاکید کی گئی ہے کہ وہ گھروں سے غیر ضروری باہر نکلنے سے احتراز کریں۔انہوں نے کہا کہ حکام نے لوگوں کو مدد کے لئے ایمرجنسی ہیلپ لائن نمبرس بھی فراہم کئے ہیں۔
بتادیں کہ ڈویژنل انتظامیہ نے پہلے ہی بالائی علاقوں میں برفانی تودے گر آنے کی پیشین گوئی کی ہے جس کے پیش نظر لوگوں کو احتیاط برتنے کی تلقین کی گئی۔