جموں//
جموںکشمیر کے راجوری ضلع کے کھیرا علاقے میں بدھ کے روز سیکورٹی فورسز نے ایک آئی ای ڈی برآمد کی جس کو بعد میں بم ناکارہ بنانے والی ٹیم نے تحویل میں لیا ۔
ذرائع نے بتایا کہ راجوری ضلع کے کھیرا علاقے میں بدھ کی سہ پہر کو جموں کشمیر بینک کے نزدیک ایک آئی ای ڈی کو پایا گیا جس کے بعد حفاظتی عملے نے آس پاس علاقوں کو محاصرے میں لے کر لوگوں کے چلنے پھرنے پر پابندی عائد کی۔معلوم ہوا ہے کہ بم ڈسپوزل اسکارڈ نے بعد میں آئی ای ڈی کو ناکارہ بنایا۔
پولیس نے اس ضمن میں کیس درج کرکے مزید تحقیقات شروع کی۔
بتادیں کہ راجوری ضلع میں ہائی الرٹ جاری کر دیا گیا ہے اور پچھلے دو ہفتوں سے راجوری میں ملی ٹینٹ مخالف آپریشن بھی جاری ہے ۔