کولہاپور،//ڈائریکٹوریٹ انفورسمینٹ(ای ڈی )نے بدھ کوصبح اپا صاحب نلاوڈے معاون چینی کی فیکٹری میں بدعنوانی کے الزاموں کے سلسلے میں راشٹروادی کانگریس پارٹی (این سی پی)لیڈر اور مہاراشٹر کے سابق وزیر حسن مشرف، ان کے نزدیکی معاون پرکاش گوڈے کر اور کاگل تحصیل قصبے سے سنتاجی گھوڑپڑے چینی کی فیکٹری کے دفتر میں چھاپے مارے ۔
بھارتیہ جنتا پارٹی (بی جے پی ) کے لیڈر کیریٹ سومیانے گزشتہ کئی دنوں سے مسٹر مشرف کے خلاف بدعنوانی کے الزام لگائے تھے اور چینی فیکٹری کا دورہ بھی کیاتھا۔مسٹر مشرف نے بد عنوانی کے تمام الزام کو مسترد کر دیا تھا۔
ای ڈی کے آفسر دہلی پولیس کی ٹیم کے ساتھ آج صبح تقریبا چھ بجے ضلع کاگل تحصیل شہر میں مسٹر مشرف اور مسٹر گاڈے کی رہائش پہنچے اور کچھ دستاویزوں کو ضبط کرتے ہوئے تلاشی مہم شروع کی۔ اسی وقت سنتاجی گھوڑپڑے چینی کارخانے پر بھی چھاپہ مارا۔ اس کارخانہ کے چیرمین مسٹر مشرف ہیں۔
ای ڈی نے مقامی پولیس کو بغیر بتائے بندوبست کے لئے دونوں کے رہائش گاہ کے آس پاس کے علاقوں اور کارخانہ کے علاقہ میں دہلی پولیس کے اہلکاروں کو تعینات کیا۔ مسٹر مشرف کے حامیوں اور لوگوں کی بھیڑ ان کے پاس جمع ہو گئی ۔
یہ دوسرا چھاپہ ہے ۔ پہلا چھاپہ جولائی،2019میں مارا گیا تھا۔