جموں /جنوری
جموںکشمیر کے راجوری ضلع کے ڈانگری گاوں میں مشتبہ ملی ٹینٹوں کے ہاتھوں شہری ہلاکتوں کے خلاف جمعرات کے روز سرنکوٹ میں مکمل ہڑتال رہی
معلوم ہوا ہے کہ ہندو اور مسلما نوں نے ہلاکتوں کے خلاف مشترکہ احتجاجی ریلی نکالی جو بعد میں پُر امن طورپر منتشر ہوئی۔
اطلاعات کے مطابق شہری ہلاکتوں کے خلاف خط پیر پنچال کے بعض علاقوں میں جمعرات کے روز بھی ہڑتال سے معمولات زندگی ٹھپ ہوکر رہ گئی۔
سرنکوٹ میں لوگوں کی ایک بڑی تعداد نے سڑکوں پر آکر احتجاجی مظاہرئے کئے اور پاکستان کے خلاف نعرے بازی کی۔
مظاہرین نے اس موقع پر کہاکہ شہری ہلاکتوں پر ہندو اور مسلم دونوں غمزدہ ہیں ۔اُنہوں نے ایل جی انتظامیہ پر زور دیا کہ شہری ہلاکتوں میں ملوث بندوق برداروں کو جلدازجلد کیفر کردار تک پہنچایا جائے ۔
دریں اثنا راجوری ضلع میں بھی جمعرات کے روز لوگوں نے شہری ہلاکتوں کے خلاف احتجاج کیا ۔مظاہرین نے اپنے ہاتھوں میں پلے کارڈ اُٹھا رکھے تھے جن پر ملوثین کو کیفر کردار تک پہنچانے کے الفاظ درج تھے ۔