سرینگر//
جنوبی کشمیر کے ضلع اننت ناگ کے کوکر ناگ علاقے میں منگل کو ایک گاڑی کی ٹکر سے ایک شہری کی موت جبکہ دو دیگر زخمی ہوگئے ۔
ذرائع نے بتایا کہ اننت ناگ کے کوکر ناگ علاقے میں منگل کو ایک تیز رفتار آلٹو گاڑی نے ٹکر مار کر تین افراد کو زخمی کر دیا۔انہوں نے کہا کہ زخمیوں کو فوری طور ضلع ہسپتال اننت ناگ منتقل کیا گیا جہاں ڈاکٹروں نے ایک کو مردہ قرار دیا۔
متوفی کی شناخت عبدالمجید ڈار ولد غلام قادر ڈار ساکن بوچھو کوکر ناگ جبکہ زخمیوں کی شناخت شمیم احمد ملک ولد گل ملک اور اشتیاق احمد ملک ولد غلام محمد ملک ساکنان بوچھو کوکر ناگ کے بطور ہوئی ہے ۔
دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔
اس دوران جموںکے ریاسی ضلع میں منگل کی صبح گاڑی کو حادثہ پیش آیا جس کے نتیجے میں جوا ں سال نوجوان کی برسر موقع ہی موت واقع ہوئی جبکہ اُس کا دوست شدید طورپر زخمی ہوا۔
سرکاری ذرائع نے بتایا کہ ریاسی ضلع میں خانی کورٹ کے نزدیک ایک ٹرک گہری کھائی میں جاگرا۔
ذرائع نے بتایا کہ حادثے کی اطلاع ملتے ہی پولیس اور مقامی لوگ جائے موقع پر پہنچے اور زخمی کو طبی امداد کی خاطر نزدیکی ہسپتال منتقل کیا تاہم ڈاکٹروں نے۲۱سالہ نوجوان کو مردہ قرار دیا جبکہ اُس کے دوست کی بھی حالت تشویشناک بنی ہوئی ہے ۔
متوفی نوجوان کی شناخت رمیش چند ولد کرشن لال ساکن ارناس ضلع ریاسی کے طورپر کی گئی ۔پولیس نے معاملے کی نسبت کیس درج کرکے مزید تحقیقات شروع کی۔