جموں/۳مارچ
جموں و کشمیر کے ضلع راجوری کے ڈانگری گا¶ں میں مشتبہ جنگجو¶ں کی فائرنگ اور آی ای ڈی دھماکے میں جان بحق ہونے والے چھ شہریوں کی آخری رسومات منگل کی صبح انجام دی گئیں جس میں پولیس اور سول انتظامیہ کے اعلیٰ افسران کے علاوہ سینکڑوں کی تعداد میں لوگوں نے شرکت کی۔
ذرائع نے بتایا کہ راجوری کے ڈانگری گا¶ں میں منگل کی صبح مشتبہ جنگجو¶ں کی فائرنگ اور آئی ای ڈی دھماکے میں جان بحق ہونے والے چھ عام شہریوں کی آخری رسومات انجام دی گئیں۔
جموں وکشمیر پولیس کے سربراہ دلباغ سنگھ، صوبائی کمشنر جموں رمیش کمار، اے ڈی جی پی جموں مکیش سنگھ کے علاوہ سینکڑوں کی تعداد میں لوگ اس موقع پر جمع ہوئے اور جاں بحق افراد کے ا ٓخری رسومات میں شرکت کی۔
بتادیں کہ ڈانگری گا¶ں میں اتوار کی شام مشتبہ جنگجو¶ں کی فائرنگ کے نتیجے میں چار افراد کی موت جبکہ چھ دیگر زخمی ہوگئے تھے اور پھر پیر کی صبح اسی جگہ ایک آئی ای ڈی دھماکہ ہوا جس کے نتیجے میں دو کمسن بچے از جان ہوگئے ۔
ان واقعوں سے علاقے میں خوف پھیل گیا اور سیکورٹی ایجنسیاں واقعات کی تہہ تک پہنچنے کے کام میں جٹ گئی ہیں۔
جموں و کشمیر کے لیفٹیننٹ گورنر منوج سنہا صورتحال کا جائزہ لینے اور پسماندگان کے ساتھ اظہار ہمدردی کرنے کے لئے پیر کو ہی ڈانگری پہنچے ۔