جموں/۲جنوری
جموں وکشمیر کے ضلع راجوری کے ڈانگری گاوں میں سیکورٹی فورسز نے پیر کے روز ایک اور آئی ای ڈی کو ناکارہ بنایا ۔
ذرائع نے بتایا کہ پیر کے روز راجوری کے ڈانگری گاوں میں راجندر کمار نامی شہری کے رہائشی مکان کے نزدیک ایک زور دار دھماکہ ہوا جس کے نتیجے میں کمسن از جان جبکہ پانچ دیگر زخمی ہوئے ۔
معلوم ہوا ہے کہ دھماکے کے بعد سیکورٹی فورسز نے علاقے میں بڑے پیمانے پر سرچ آپریشن لانچ کیا جس دوران ایک اور آئی ای ڈی کا پتہ لگایا جس کو بم ڈسپوزل اسکارڈ نے ناکارہ بنایا۔
پولیس ذرائع کا کہنا ہے کہ ملی ٹینٹوں کی جانب سے رہائشی مکانوں کے نزدیک آئی ای ڈی نصب کی گئی ہیں تاکہ عام شہریوں کو نشانہ بنایا جا سکے ۔
آخری اطلاعات موصول ہونے تک علاقے میں تلاشی آپریشن جاری تھا ۔