ڈوڈہ میں گاڑی چناب میں جا گری تین افراد کی موت کا خدشہ

جموں//
جموں کشمیر کے ضلع ڈوڈہ میں منگل کی صبح ایک گاڑی دریائے چناب میں جا گرنے سے میاں بیوی سمیت ایک ہی کنبے کے تین افراد کے جاں بحق ہونے کا خدشہ ہے ۔
سرکاری ذرائع نے بتایا کہ ڈوڈہ میں منگل کی علی الصبح قریب ساڑھے پانچ بجے ایک کار دریائے چناب میں جا گری۔انہوں نے کہا کہ واقعہ پیش آتے ہی پولیس، ایس ڈی آر ایف کی ٹیمیں اور مقامی لوگ جائے واردات پر پہنچ گئیں اور بچاؤ آپریشن شروع کر دیا۔
اس حادثے میں میاں بیوی سمیت ایک ہی کنبے کے تین افراد کی موت واقع ہونے کا خدشہ ہے جن کی شناخت منجیت سنگھ، اس کی اہلیہ سونیہ دیوی اور ان کی چھ سالہ بیٹی ساکنان سنگوئی بھدرواہ کے بطور ہوئی ہے ۔
ذرائع نے بتایا کہ دریا سے گاڑی نظر آئی ہے لیکن اس کو ابھی باہر نہیں نکالا گیا ہے ۔