گلمرگ سمیت پہاڑی علاقوں میں ہلکی برف باری

سرینگر//
محکمہ موسمیات کی پیش گوئی کے بیچ سیاحتی مقام گلمرگ سمیت وادی کشمیر کے پہاڑی علاقوں میں دوران شب ہلکی برف باری ہوئی۔
متعلقہ محکمے کے ایک ترجمان کے مطابق گلمرگ میں دوران شب۶ء۰سینٹی میٹر برف جمع ہوئی ہے جبکہ سونہ مرگ اور وادی کے دیگر کئی پہاڑی علاقوں میں بھی ہلکی برف بارہ ہونے کے اطلاعات ہیں۔
محکمے کی پیش گوئی کے مطابق۹دسمبر کی شام سے۱۰دسمبر کی دو پہر تک وادی کے میدانی علاقوں میں ہلکی (ایک سے دو انچ) برف باری جبکہ پہاڑی علاقوں میں درمیانیدرجے (دس انچ) کی برف باری متوقع ہے ۔
دریں اثنا وادی میں مطلع ابرآلود رہنے سے شبانہ درجہ حرارت میں قدرے بہتری واقع ہوئی ہے ۔
دارلحکومت سرینگر میں کم سے کم درجہ حرارت۰ء۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۸ء۲ڈگری سینٹی گریڈ ریکارد ہوا تھا۔
سرینگر میں پانچ دسمبر کو رواں سیزن کی اب تک سرد ترین رات ریکارڈ ہوئی تھی جب شبانہ درجہ حرارت منفی۴ء۳ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۰ء۳ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی۸ء۲ڈگری سینٹی گریڈ ریکارڈ ہوا تھا۔دوسرے مشہور سیاحتی مقام پہلگام میں کم سے کم درجہ حرارت۷ء۰ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۶ء۳ڈگری سینٹی گریڈ ریکارڈ ہوا تھا۔پہلگام میں دوران شب۰ء۲ملی میٹر بارش بھی ریکارڈ ہوئی ہے ۔
شمالی ضلع کپوارہ میں کم سے کم درجہ حرارت۰ء۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۵ء۲ڈگری سینٹی گریڈ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۲ء۰ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی۰ء۳ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع کرگل میں کم سے کم درجہ حرارت منفی۶ء۵ڈگری سینٹی گریڈ جبکہ ضلع لیہہ میں منفی۸ء۴ڈگری سینٹی گریڈ اور قصبہ دراس میں کم سے کم درجہ حرارت منفی۶ء۵ڈگری سینٹی گریڈ ریکارڈ ہوا ہے ۔
اس دوران وادی کشمیر کو لداخ یونین ٹریٹری کے ساتھ جوڑنے والی سرینگر،لیہہ شاہراہ زوجیلا پاس پر تازہ برف باری کے باعث جمعے کی صبح ٹریفک کی نقل و حمل کے لئے بند کر دی گئی۔
جنوبی کشمیر کے ضلع شوپیاں کو صوبہ جموں کے ضلع پونچھ کے ساتھ جوڑنے والے تاریخی مغل روڈ کو تازہ برف باری کے نتیجے میں گذشتہ شب ہی ٹریفک کی نقل و حمل کیلئے بند کر دیا گیا ہے ۔
ٹریفک حکام نے بتایا کہ سرینگر، لیہہ شاہراہ کو زوجیلا پاس پر تازہ برف باری کے باعث جمعے کی صبح ٹریفک کی نقل و حمل کے لئے بند کر دیا گیا۔
حکام نے بتایا کہ تاریخی مغل روڈ کو تازہ برف باری کے پیش نظر گذشتہ شب ہی ٹریفک کی نقل و حمل کے لئے بنا بر احتیاط بند کر دیا گیا ہے ۔
دریں اثنا وادی کشمیر کو ملک کے باقی حصوں کے ساتھ جوڑنے والی سرینگر، جموںشاہراہ پر ٹریفک کی نقل و حمل حسب معمول جاری ہے ۔
بتادیں کہ محکمہ موسمیات نے وادی میں۹؍اور۱۰ دسمبر کو برف باری کی پیش گوئی کی ہے ۔
اس دوران جموںکشمیر کے کشتواڑ ضلع کے بالائی علاقوں میں جمعے کی صبح تازہ برفباری کا سلسلہ شروع ہوا جس کے نتیجے میں شاہراہوں پر سفید پرت بچھ گئی ہے ۔
معلوم ہوا ہے کہ انتظامیہ نے سن تھن ٹاپ پر تازہ برفباری کے بعد ٹریفک کی آمدورفت کو تا حکم ثانی بند رکھنے کے احکامات صادر کئے ۔
اطلاعات کے مطابق جمعے اعلیٰ الصبح ضلع کشتواڑ کے بالائی علاقوں میں برف باری کا سلسلہ شروع ہوا جس کے نتیجے میں لوگ گھروں میں محصور ہو کررہ گئے ۔
ضلع کے بالائی علاقوں میں کئی انچ تازہ برف باری ریکارڈ کی گئی، وارڈن میں تین انچ کے قریب برف جمع ہوئی جبکہ مڑواہ ، پاڈر ، بونجواہ میں بھی تازہ برف بار ی کے سبب اہم شاہراہوں پر ٹریفک کی نقل وحمل متاثر ہوئی۔
تازہ برف باری کے بعد ضلع انتظامیہ نے سن تھن شاہراہ پر ٹریفک کی نقل حمل کو روک دیا ہے ۔ذرائع نے بتایا کہ مقامی لوگوں اور سیاحوں کو سن تھن شاہراہ پرسفر نہ کرنے کی صلاح دی گئی ہے ۔