۱۶ویں کور کے جی او سی کی جموں میں لیفٹیننٹ گورنر کے ساتھ ملاقات

جموں//
لیفٹیننٹ جنرل منجندر سنگھ، جی او سی ۱۶ویں کور نے آج راج بھون میں لیفٹیننٹ گورنر منوج سنہا سے ملاقات کی۔
ایک سرکاری بیان کے مطابق لیفٹیننٹ جنرل منجندر سنگھ، جی او سی ۱۶ویں کور نے بھی لیفٹیننٹ گورنر سے ملاقات کی اور انہیں موجودہ سیکورٹی صورتحال سے آگاہ کیا۔
پروفیسر جے پی شرما، مہنت روہت شاستری اور پروفیسر مدن موہن جھا پر مشتمل وفد نے لیفٹیننٹ گورنر سے جموں و کشمیر میں سنسکرت زبان کے فروغ، تبلیغ اور تحفظ کے علاوہ سنسکرت کے طلباء اور اسکالرز کی فلاح و بہبود سے متعلق امور پر تبادلہ خیال کیا۔
اسی طرح جنرل زوراور سنگھ میموریل ایجوکیشنل اینڈ چیریٹیبل ٹرسٹ کے وفد نے ٹرسٹ کی جنرل سکریٹری‘دکشا کلہوریا کی قیادت میں لیفٹیننٹ گورنر کو پسماندہ طبقے کے بچوں کی تعلیم اور لوگوں کی فلاح و بہبود کے لیے ان کی کوششوں سے آگاہ کیا۔ وفد کے ارکان نے لیفٹیننٹ گورنر کو جنرل زوراور سنگھ کی تصویر بھی پیش کی۔
بیان کے مطابق لیفٹیننٹ گورنر نے جنرل زوراور سنگھ میموریل ایجوکیشنل اینڈ چیریٹیبل ٹرسٹ کے ممبران کی طرف سے کئے جا رہے نیک کام کی تعریف کی۔ انہوں نے ٹرسٹ کے ممبران کو ہر ممکن تعاون کا یقین دلایا۔
بعد ازاں پونچھ کے سابق ایم ایل سی، ایس ایچ پردیپ شرما نے بھی لیفٹیننٹ گورنر سے ملاقات کی اور لوگوں کے مطالبات کو پیش کیا اور دیگر ترقیاتی منصوبوں پر تبادلہ خیال کیا۔
لیفٹیننٹ گورنر نے سابق ایم ایل سی کی طرف سے پیش کئے گئے مطالبات کو صبر سے سنا اور انہیں تمام حقیقی مسائل کے ازالے کا یقین دلایا۔