سری نگر/۲۲نومبر
لداخ یونین ٹریٹری کے ضلع لیہہ میں منگل کی صبح زلزلے کے ہلکے جھٹکے محسوس کئے گئے تاہم کسی قسم کے جانی یا مالی نقصان کی کوئی اطلاع نہیں ہے ۔
ریکٹر اسکیل پر اس زلزلے کی شدت 4.3 ریکارڈ ہوئی ہے ۔
نیشنل سینٹر فار سیسمالوجی کے مطابق لداخ کے ضلع لیہہ میں منگل کی صبح دس بجکر پانچ منٹ پر زلزلے کے جھٹکے محسوس کئے گئے ۔
انہوں نے کہا کہ ریکٹر اسکیل پر زلزلے کی شدت 4.3 ریکارڈ ہوئی ہے جبکہ زمین کے اندر اس کی گہرائی دس کلو میٹر تھی۔
زلزلے سے کسی قسم کے جانی یا مالی نقصان ہونے کی کوئی اطلاع نہیں ہے ۔
واضح رہے کہ جموں کشمیر اور لداخ زلزلیاتی پیمانے پر سب سے زیادہ خطرناک پانچ اور چار زون میں آتے ہیں۔
