کانگریس قبائلیوں کے حقوق کے تحفظ کے لیے پرعزم: راہل

واشم (مہاراشٹر)// کانگریس کے سابق صدر راہل گاندھی نے منگل کو کہا کہ ان کی پارٹی قبائلیوں کے حقوق کے تحفظ کے لئے ہمیشہ پرعزم ہے ۔
مسٹر گاندھی واشم میں ایک قبائلی پروگرام سے خطاب کر رہے تھے جب ان کی پد یاترا بھگوان برسا منڈا کی یوم پیدائش پر یہاں پہنچی تھی۔ انہوں نے کہا کہ بھگوان برسا منڈا نے قبائلی برادری کے انصاف اور حقوق کے لیے برطانوی حکومت کے خلاف جنگ لڑی لیکن انگریزوں کی طاقت کے سامنے سر نہیں جھکایا اور 24 سال کی عمر میں شہید ہو گئے ۔
انہوں نے کہا کہ ملک کی سرزمین پر پہلا حق قبائلیوں کا ہے ۔ یہ زمین آپ کی ہے ، لیکن راشٹریہ سویم سیوک سنگھ اور بھارتیہ جنتا پارٹی انہیں قبائلی نہیں مانتی، انہیں ونواسی کہتے ہیں۔ یہ بھگوان برسا منڈا کے افکار پر حملہ آور ہیں۔ انہیں جنگل کے باسی کہہ کر ان کے حقوق چھینے جا رہے ہیں لیکن کانگریس پارٹی قبائلی بھائیوں کی فلاح و بہبود کے لیے ہمیشہ مصروف عمل ہے ۔
انہوں نے الزام لگایا کہ بی جے پی آئین پر یقین نہیں رکھتی، اس لیے اس کی رائے ہے کہ قبائلیوں، دلتوں، پسماندہ اور اقلیتوں کو ان کے حقوق نہیں ملنا چاہیے ۔