جموں میں ڈینگی سے مزید دو مریض فوت

جموں//
جموں میں ڈینگی سے متاثرہ مزید دو مریضوں کی موت واقع ہوئی ہے اور اس طرح سے صوبے میں مرنے والوں کی تعداد ۱۷ہو گئی ہے۔
اطلاعات کے مطابق جموں صوبے میں ڈینگی سے مرنے والوں کی تعداد میں روز افزاں اضافہ ہو رہا ہے۔معلوم ہوا ہے کہ پچھلے چوبیس گھنٹوں کے دوران جموں میں ڈینگی سے مزید دو مریض فوت ہوئے ہیں۔
سرکاری ذرائع نے بتایا کہ جموں صوبے میں ڈینگی سے مرنے ولاوں کی تعداد۱۷ہو گئی ہے جن میں سے ۱۵جی ایم سی جموں ، ایک گیارہ سالہ بچے کی ایس ایم جی ایس ہسپتال اور راجوری کے ایک رہائشی کی ڈی ایم سی لدھیانہ میں موت واقع ہوئی۔
ذرائع کے مطابق جی ایم سی میں ڈینگی سے متاثرہ ۴۹مریضوں کا علاج ومعالجہ چل رہا ہے۔ایس ایم جی ایس ہسپتال میں ۲۲مریض زیر علا ج ہے۔